انت فى عيونى

من قبل أحطك في عيني وأنت في عيوني

لا تسأل شلون اسأل ليش حبيتك

ياللي من أول حديث المسك تغويني

و شلون لا من خذاني الشوق لي بيتك

و أنا واقف على حد قلبك و أنت تدنيني

الين يحيي خضاري يبسك و ميتك

يا أعذب اللي بقى من قسوة سنيني

وديعتي ما عطيتك صون ما أعطيتك

أحب فيك انكسارك كل ما تجيني

وأحب فيك انكسارك كل ما جيتك

و أحب كل ما طلبتك شيء تعطيني

و أحب كل ما بكيتك لشيء بكيتك

و أحب كلما مسكت إيدك بيديني

نامت عيونك على عيني و ضميتك

إي والله أحبك و أحبك حيل و يضنيني

إني أحبك وأحبك حيل ويا ليتك

تمشي على كل شارع صار لك فيني

حتى تشوف بعيونك وين حطيتك

ياللي عن الكل تغنيني و تكفيني

لو ملك الكل ما ضنيت مليتك